Ahmet Telli – Yên Diqetiyên Û Tên…

Heyvekî bêron li ser

li ser bajêr her şev digere.

Her şev wekî gerokekî zana,

Gav bi gav dipêve rêya xwe

Bêdengiyeke ku ji şewata payîzê maye

nixumandiye her tiştî

û mîna tûlekî çiriyayî

zeman belav dibe û diçe.

Guh bide dengê avan niha

fisfîsa ku ji daristanê radibin

sîngê çiyayan hêdîka diçire

ji bo hêsankirina evînekê

Û çavên wî li quntarên dûr dema ku tiştekî digerin,

bêdeng û aram li bendê ye

dilê ku li ser bendewariyê radibe û tûj dibe

Eşkere ye ku ji ser çiyan, deryayan

û behrokan

xwe difilitîne û tê berbang

Eşkere ye ku nêzîk e

ew saeta ku dê xweza û jiyanê bihejîne

Werger: Sewda Xanzad