Arkadaş Z. Özger – Merheba Canim

Ez yek ji wan kesên ku kêmpeyvkir û têrwestiyayî me
Ez hejê dikim helawê digel şerabê bixwim
Min tu carî nimêj nekir
Lê ez ji diya xwe û ji Xwedê pir hez dikim
Diya min jî ji Xwedê pir hez dike
Jixwe serûbinê malbata me tev ji Xwedê hez dike
Em ji Xwedê jî, ji pisîngan jî pir hez dikin

Jiyan homoseksueleke trajîk e
Bi ya min hemû homoseksuel hinekî adonîst in
Ji lew re hemû sermestî hinekî liberxwegotinên
Freud yên bêyî eraqvexwarinê ne

Hûn tu carî bawer mekin, dê helbet bê guherîn
Ew bayê ku xwe bi terrik û rojê ve dihebîne
W’ez ne baş bawer im, lê heye ku min xwendibe
Li deverekê hinan jinine difirotin Xwedê
Ax canimo Arîstophanes

Ez tu carî aştî û mozesoran ji bîr nakim
Ez mirinê jî di dilê xwe de mîna nepenekê dihewînim
Ez mirinê ji bo Xwedê hiltînim û hûn ê tu carî tênegihîjin

Ew laşê min ê ku ji bo rojê û zilamiyê dikemile
Dê di kefên destên we de
Bişemite û bikeve û rojekê helbet hûn ê ji Zeki Müren hez
bikin (Ji kerema xwe, ji Zeki Müren hez bikin.)

Çeviri: Ferhadê Mihemed , Yaşama Uğraşı Sayı: 10, Mart 2022